Веналар варикози - бу эркаклар ва аёллар дуч келиши мумкин бўлган кенг тарқалган касаллик. ЖССТ тавсиясига кўра, у «цивилизация касалликлари» рўйхатига киритилган. Варикоз инсон оёқларига зарар етказган ҳолда жиддий асоратларга олиб келиши мумкин. Ушбу касалликка бепарво муносабатда бўлиш ярамайди.
Варикоз асоратлари
Веналар тизими қоннинг юракка қайтиши учун муҳим аҳамиятга эга. Соғлом қон томирлари оғирлик таъсири остида қоннинг оқиб тушишига йўл қўймайдиган махсус клапанлар иши ҳисобига оёқлардан юракка қон ҳайдайди. Варикоз касаллигида клапанлар заифлашади, қоннинг патологик оқизиб юборилиши (рефлюкс) пайдо бўлиб, бу вена тизимда босимнинг ошишига олиб келади. Кичик веналардаги босим капиллярлардаги босимга тенг бўлиши мумкин. Натижада аъзо ва тўқималарга артериал қоннинг оқиб келиши секинлашади, уларда кислород етишмаслиги кузатилади, бу эса уларнинг ўлимига олиб келиши мумкин.
Веналарда қон ҳаракатининг сусайиши тўқималарда алмашинув маҳсулотларининг тўпланишига олиб келади. Оёқлар юмшоқ тўқималарида трофик ўзгаришлар юз беради. Улар теридаги аломатлардан - гиперпигментация (жигарранг доғлар), веноз экзема ва липодерматосклероз (терининг қаттиқлашиши) дан бошланади Болдирнинг пастки учдан бир қисмида липодерматосклероз зўрайганда узоқ муддат битиб кетмайдиган трофик яралар ҳосил бўлади. [1]
Варикоз юзадаги веналар тромбофлебити ва тромбози ривожланишига сабаб бўлиши мумкин. Шунингдек тромбоз жараёни чуқур веноз тизимга тарқалиши ҳам мумкин. Даволанмаса, кейинчалик ўпка артерияси тромбоэмболияси ривожланиши билан тромбларнинг кўчиш хавфи ортади.
Варикознинг дастлабки аломатларида флебологга мурожаат қилиш ва даволанишни бошлаш керак. Тиббиёт ютуқлари туфайли касалликнинг сабабига таъсир қилувчи венотоник дори воситалари ишлаб чиқилган. [2]
Детралекс дори воситаси нафақат вена касалликларининг ёқимсиз аломатларини камайтиришга, балки уйғун бирликдаги таркиб ва махсус ишлаб чиқариш, микронизация технологияси туфайли муаммонинг янада ривожланишига йўл қўймасликка ёрдам беради. [3,4,5]
- Шадрина А.С., Золотухин И.А., Филипенко М.Л. Молекулярные механизмы развития варикозной болезни нижних конечностей // Флебология. — 2017. — Т. 11, № 2. — С. 71-75.
- Российские клинические рекомендации по диагностике и лечению ХЗВ. Флебология, спец. выпуск май 2013.
- Паскарелла Л. Что важно знать о Детралексе 500 мг: от защиты клапанов на ранних стадиях до долгосрочного эффекта при хроническом заболевании вен. Современная фармацевтика (Current Pharmaceutical Design) 2007; 13 (4):431-444.
- Сапелкин С.В. и соав. Хронические заболевания вен: функция клапанов и лейкоцитарно-эндотелиальное взаимодействие, возможности фармакотерапии. Ангиология и сосудистая хирургия. Том 23 №3/2017, 89
- Инструкция по медицинскому применению препарата Детралекс.
