Бутун қон томир тизими саломатлигини сақлаш варикоз касаллиги, тромбозлар, сурункали веноз йетишмовчилиги каби касалликлар ривожланишининг олдини олиш учун вена , қон томирларини тонусда ушлаб туриш зарур. Бир қатор тавсияларга амал қилиш қон айланишини яхшилашга ва вена қон томирларини соғлом сақлашга ёрдам беради. Оёқ томирларини мустаҳкамлаш варикоз касаллигининг олдини олишнинг ягона самарали ва таъсирчан усули ҳисобланади. Касаллик ривожланиши хавфини бизнинг веб-сайтимизда Флебоскор тестидан ўтиш орқали текширишингиз мумкин. Флебоскор Тести ўтказиш орқали касалликнинг ривожланиш хавфини текширишингиз мумкин.
Ҳаракат – ҳаёт демакдир!
Жисмоний фаоллик вена қонининг нормал оқишига ёрдам беради. Мунтазам пиёда сайр қилиш, ёга машқлари ёки мўтадил жисмоний юклама варикоз касаллиги ривожланиши хавфини камайтириши исботланган [1]. Ҳатто оёқ учида кўтарилиш ёки оёқ панжаларини айлантириш каби оддий машқлар ҳам қон айланишини самарали тарзда рағбатлантиради.
Вазнни назорат қилинг
Ортиқча вазн қон томирларига тушадиган юкни оширади ва веноз томирларда қон оқимини қийинлаштиради. Сабзавотлар, клетчатка ва минералларга бой мувозанатли овқатланиш тартибига риоя қилиш овқат ҳазм қилиш жараёнини йенгиллаштиради ҳамда варикоз касаллиги омилларидан бири бўлган қабзият хавфини камайтиради [2]. Тана вазнини назорат қилиш қон томирлари саломатлигини таъминлашда муҳим қадам ҳисобланади.
Узоқ вақт бир жойда туришдан, ўтиришдан сақланинг
Узоқ вақт ўтириш ёки тик туриш оёқ томирларида қон айланишини ёмонлаштиради. Aгар ишингиз бир ҳолатда туриш ёки ўтиришни талаб қилса, ҳар 30-60 дақиқада танаффус қилишга ҳаракат қилинг: ўрнингиздан туриб юринг ёки оддий жисмоний машқларни бажаринг. Бу қон тўпланиб қолишининг олдини олишга ёрдам беради.
Компрессион пайпоқ кийинг
Компрессион пайпоқ ёки голфилар веноз қон оқимини яхшилашга ёрдам беради ва шиш пайдо бўлиш еҳтимолини камайтиради. Улар, айниқса, кўп вақтини тик туриб ўтказадиган ёки тез-тез самолётда саёҳат қиладиган кишилар учун фойдалидир [3]. Шифокор билан маслаҳатлашиш еса сиқиш (компрессия) нинг мақбул даражасини танлашга кўмаклашади.
Тўғри овқатланинг
Aнтиоксидант ва флавоноидларга бой бўлган резавор мевалар, ситрус мевалари, кўк чой каби маҳсулотларни рационга киритиш қон томирлари деворларини мустаҳкамлашга ёрдам беради. Қоннинг ёпишқоқлигини меъёрида сақлаб туриш учун йетарли миқдорда сув ичиш ҳам муҳим аҳамиятга ега.
Зарарли одатлардан воз кечинг
Чекиш ва спиртли ичимликларни меъёридан ортиқ истеъмол қилиш қон томирлари саломатлигига салбий таъсир кўрсатади. Никотин вена қон томири деворларининг еластиклигини пасайтиради, алкогол еса томирларнинг кенгайишига олиб келиши ва уларнинг мўртлигини ошириши мумкин.
Шифокорга кўриниб туринг
Флебологга мунтазам ташриф буюриш муаммоларни ерта босқичда аниқлашга ёрдам беради. Томирларнинг ултратовуш текшируви каби замонавий диагностика усуллари веноз тизимининг ҳолатини баҳолаш ва асоратларнинг олдини олиш чораларини кўриш имкониятини яратади.
Оёқ қон томирларини мустаҳкамлашга дори-дармон билан даволаш ёрдам беради. Даволашни шифокор тайинлаши лозим. Варикоз касаллигини даволаш ҳақида батафсил маълумотни ушбу мақолада ўқишингиз мумкин..
Хулоса
Вена қон томирларининг соғлиги турмуш тарзига ва ўз танасига еътиборли муносабатда бўлишга боғлиқ. Юқорида келтирилган маслаҳатларни қўлласангиз, қон томирларингизни мустаҳкамлашингиз, қон айланишини яхшилашингиз ва веноз касалликлар ривожланиши хавфини камайтиришингиз мумкин. Есда тутингки, касалликнинг олдини қилиш ҳар доим уни даволашдан кўра самаралироқдир.
Ушбу маълумотлар мутахассис маслаҳати ўрнини босмайди.
- Boissier, C., et al. «Physical activity and venous disease: A systematic review.» Journal of Vascular Research, 2020.
- Piller, N., et al. «Dietary interventions for the prevention of venous diseases.» Nutrition Reviews, 2019.
- Neumann, H. A. M., et al. «Compression therapy: Clinical benefits in venous disorders.» Phlebology, 2018.
